AZƏRBAYCAN QEYRİ-MADDİ MƏDƏNİ İRS NÜMUNƏLƏRİNİN DÖVLƏT REYESTRİ

"Mel" xalq kollektivi

“Mel” ləzgi xalq kollektivi 1978-ci ildən fəaliyyət göstərir. Qusar rayonu Hil kəndinin Mədəniyyət evi nəzdində yaradılan kollektiv yerli əhalinin qədim iməcilik adəti olan melin təbliği ilə məşğuldur. Kollektivin repertuarında qədim ləzgi xalq mahnı və rəqsləri, adət-ənənələr, ləzgi xalq bayatıları (məlilər) əsas yer tutur.

Kollektiv 1979-cu ildə respublika festivalında üçüncü yerə, bir il sonra isə mədəni-maarif müəssisələrinin fəaliyyətinə ictimai baxışın yekunlarına görə Respublika Mədəniyyət Nazirliyinin keçici Qırmızı bayrağına və pul mükafatına layiq görülüb. 1987-ci ildə keçirilən II Respublika festivalının laureatı olmuş kollektivə həmin il “Xalq kollektivi” adı verilib.
 
Kollektiv 14 nəfərdən ibarətdir. Kollektivin rəhbəri Ümid Babayevdir. Kollektiv Sumqayıt, Bakı və Mahaçqala şəhərlərində çıxış etmiş, Mədəniyyət və Turizm Nazirliyi tərəfindən diplomlarla təltif olunmuşdur.

Əlaqəli nümunələr

Günün nümunəsi

Aşıq havaları

Azərbaycan folklorunun çox qədim və zəngin qolu olan aşıq musiqisinin əsasını aşıq havaları təşkil edir. Aşıq havaları məzmun və obraz müxtəlifliyi, melodik gözəlliyi, dərin emosional ovqatı, metr-ritmik zənginliyi, forma və quruluşunun mükəmməlliyi ilə fərqlənir. Bu musiqi havaları xalqımızın tarixi və məişətini, hiss və həyəcanını, həyata baxışlarını özündə əks etdirir. Aşıq havaları...

Ətraflı