AZƏRBAYCAN QEYRİ-MADDİ MƏDƏNİ İRS NÜMUNƏLƏRİNİN DÖVLƏT REYESTRİ

Qusar rayon Mədəniyyət Mərkəzi

Qusar rayon Mədəniyyət Mərkəzinin tabeçiliyində 54 filial fəaliyyət göstərir. Filialların 14-ü mədəniyyət evi, 40-ı isə klublardır. Mərkəzin nəzdində 2 xalq kollektivi, 2 folklor qrupu və 5 dərnək vardır. Mədəniyyət Mərkəzinin fəaliyyəti geniş və əhatəlidir. Dövlət tədbirlərinin, tarixi günlərin, müsabiqə və festivalların keçirilməsi, filialların fəaliyyətinə metodik köməkliyin göstərilməsi Mərkəzin əsas fəaliyyət istiqamətini təşkil edir. Mərkəzin bədii özfəaliyyət kollektivləri müntəzəm olaraq rayonda yerləşən hərbi hissə və sərhəd kəndlərindəki zastavalarda əsgərlərin qarşısında çıxış edirlər.

Əlaqəli nümunələr

Günün nümunəsi

Oyuq (kukla) tamaşaları

İctimai-məişət mövzuları üzərində qurulan Azərbaycan kukla tamaşaları əlamətdar günlərdə, xüsusilə şənliklərdə, toylarda nümayiş olunur. Kukla tamaşaları dedikdə, el arasında “bəbək”, “oyuq” və “ipdə oyuq” adı ilə tanınan və kuklaların iştirakı ilə göstərilən tamaşalar nəzərdə tutulur. Azərbaycanda oynanan belə oyunlara “Maral oyunu”, “Tapdıq çoban”, “Şah Səlim”, “Keçəl pəhləvan” və s....

Ətraflı