Pinəçi Əli Əhmədov
Bir çoxlarının Əli dayı kimi tanıdığı pinəçi Əli Əhmədov 1934-cü ildə Şəkidə anadan olub. 1937-ci ildə atası repressiya qurbanı olduğundan, oxumağa imkanı olmayıb və təhsilini 6-cı sinfə qədər davam etdirib. 1952-ci ildə Bakıya köçəndən sonra bir müddət sexdə ayaqqabı tikməyə başlayıb. Daha sonra 1959-cu ildə Əlibaba Abdullayev onu Dövlət Filarmoniyasına işə dəvət edib. O gündən də Filarmoniyanda rəqqaslarının çəkmələrini Əli dayı tikib.
Əli Əhmədovun emalatxanasında bütün növ ölçülü çəkmələr üçün qəliblər var. Ölçüləri isə 13-dən başlayıb 56-da bitir. Bir çox tanınmış şəxslərin çəkmələrini də o tikib. Onların arasında Rəşid Behbudov, Osman Mirzəyev, Tahir Salahov və digərlərinin adları da var.
1991-ci ildə o, “Əməkdar mədəniyyət işçisi” adını alıb.
Əlaqəli nümunələr
Günün nümunəsi
Miniatür
İslam Şərqinin incəsənəti tarixində Azərbaycan miniatür sənəti üslubu, bədii sənətkarlıq xüsusiyyətləri etibarilə xüsusi əhəmiyyət kəsb edir. Miniatür sənəti əlyazma kitablarının bədii tərtibatında mühüm rol oynayır. Bəzən bu sənət nümunəsi bədii mətni əks etdirməkdən asılı olmayaraq müstəqil səciyyə daşıyırdı. Azərbaycan kitab miniatürlərinin qorunub-saxlanmış ilk nümunələri XII-XII...