Elmira Əliyeva (ağıçı)
Elmira İsmayıl qızı Mikayılova 1948-ci ildə Zəngilan rayonunun Böyük Ağalı kəndində anadan olub. Elmira Mikayılovanın ağıçılığı bir sənət kimi seçməsinin maraqlı tarixçəsi vardır. Özünün dediyinə görə, oğlu nakam dünyasını dəyişəndən sonra məclislərə gedərək ağı deməyə başlayıb.
Elmira Mikayılovadan ağı nümunələri yazıya alınarkən yalnız bir neçə bayatını bədahətən ifa edə bilmişdir, qəhər boğduğuna, gözləri yaşla dolduğuna görə onların ardını gətirə bilməmişdir. Yalnız sonradan təbii gəldikcə bildiyi bayatıları gəlininə söyləmiş, o da onları bir dəftərə köçürmüşdür. Bu şəkildə onun repertuarından yüzdən artıq bayatı nümunəsi yazıya alınmışdır.
Əlaqəli nümunələr
Günün nümunəsi
Miniatür
İslam Şərqinin incəsənəti tarixində Azərbaycan miniatür sənəti üslubu, bədii sənətkarlıq xüsusiyyətləri etibarilə xüsusi əhəmiyyət kəsb edir. Miniatür sənəti əlyazma kitablarının bədii tərtibatında mühüm rol oynayır. Bəzən bu sənət nümunəsi bədii mətni əks etdirməkdən asılı olmayaraq müstəqil səciyyə daşıyırdı. Azərbaycan kitab miniatürlərinin qorunub-saxlanmış ilk nümunələri XII-XII...