AZƏRBAYCAN QEYRİ-MADDİ MƏDƏNİ İRS NÜMUNƏLƏRİNİN DÖVLƏT REYESTRİ

"Təbəssüm" xalq rəqs ansamblı

“Təbəssüm” xalq rəqs ansamblı 1978-ci ildə təşkil olunmuşdur. Azərbaycan Respublikasının Mədəniyyət Nazirliyinin 14 sentyabr 1995-ci il tarixli qərarı ilə “Xalq kollektivi” adına layiq görülmüşdür. Ansamblın repertuarına milli və dünya xalqlarının rəqsləri daxildir. Ansambl istər Xətai rayonu, istərsə də ümumşəhər tədbirlərində dəfələrlə iştirak etmişdir. Hərbi hissələrdə, uşaq evlərində, internat məktəblərində, ahıllar evində dəfələrlə konsert proqramları ilə çıxışlar edib. Bundan başqa, Dənizkənarı Milli Parkda keçirilən Novruz şənliklərində, Gül bayramında rəngarəng rəqslərlə çıxış edib. Həmçinin, Bakı Şəhər Mədəniyyət və Turzim Baş İdarəsinin təşkilatçılığı ilə müxtəlif beynəlxalq festival və müsabiqələrdə müvəffəqiyyətlə ölkəni təmsil edib. Ansambl Türkiyə, Rusiya, Gürcüstan, Bolqarıstan, Kipr və s. ölkələrdə keçirilən tədbirlərdə iştirak etmiş, fəxri fərman və diplomlarla təltif olunmuşdur. Hazırda ansamblın 56 üzvü var.

Əlaqəli nümunələr

Günün nümunəsi

Dulusçu

Dulusçu əl və ayaq çarxında gil məmulatından müxtəlif formalı qabların hazırlanması ilə məşğul olan qədim peşə sahiblərindən biridir. Azərbaycan ərazisinin zəngin gil yataqları və ucuz odun ehtiyatına malik olması, əhalinin məişətində dulus məmulatlarına zəruri tələbat, sənətkarlıq təcrübəsi saxsı məmulatı istehsalının uzun müddət davam etdirilməsində başlıca rol oynamış, öz növbəsində...

Ətraflı