AZƏRBAYCAN QEYRİ-MADDİ MƏDƏNİ İRS NÜMUNƏLƏRİNİN DÖVLƏT REYESTRİ

Sənətkar Üzeyirov İldırım Kərim oğlu

İldırım Kərim oğlu Üzeyirov 1964-cü il oktyabrın 29-da Goranboy rayonunda anadan olmuşdur. 1987-ci ildə Qəmbər Hüseynli adına Gəncə Musiqi Məktəbində tar müəllimi və orkestr rəhbəri ixtisasına yiyələnmişdir. Naftalan şəhər Uşaq Musiqi Məktəbində 30 illik iş təcrübəsi var. İxtisası tar müəllimi və orkestr rəhbəridir. Bundan əlavə, tar, kamança, saz və cəng alətlərini hazırlamaqla da məşğuldur. Hazırda respublikada cəng alətini hazırlayan yeganə sənətkardır. Ev şəraitində emalatxanası var. Alətləri qoz və tut ağaclarından hazırlayır. İctimai, Lider, ATV və Xəzər telekanallarında dəfələrlə haqqında müsahibələr və məlumatlar yayımlanmışdır. "Mədəni-maarif" jurnalında haqqında məqalə verilmiş, ATV telekanalında “Tanıdım səni” verilişində iştirak etmişdir.

Əlaqəli nümunələr

Günün nümunəsi

Dulusçu

Dulusçu əl və ayaq çarxında gil məmulatından müxtəlif formalı qabların hazırlanması ilə məşğul olan qədim peşə sahiblərindən biridir. Azərbaycan ərazisinin zəngin gil yataqları və ucuz odun ehtiyatına malik olması, əhalinin məişətində dulus məmulatlarına zəruri tələbat, sənətkarlıq təcrübəsi saxsı məmulatı istehsalının uzun müddət davam etdirilməsində başlıca rol oynamış, öz növbəsində...

Ətraflı