AZƏRBAYCAN QEYRİ-MADDİ MƏDƏNİ İRS NÜMUNƏLƏRİNİN DÖVLƏT REYESTRİ

Sənətkar Səfərova Nərminə Nəbi qızı

Səfərova Nərminə Nəbi qızı 1996-cı il sentyabrın 18-də Goranboy rayonu Xanqərvənd kəndində anadan olub. 2002-2010-cu illərdə Xanqərvənd kənd tam orta məktəbində təhsil alıb, 2015-ci ildə Gəncə Dövlət Humanitar Kollecini Dizayn ixtisası üzrə bitirib. Dekorativ əl işlərinin hazırlanması ilə məşğuldur. Əl işlərinin hazırlanmasında müxtəlif ölçülü və rəngli kağızlar, kağız kleyi, ”PVA” kleyi, silikon yapışdırıcılar, müxtəlif ölçülü və rəngli kartonlar, sadə və zərli keçə, müxtəlif ölçülü iynələr, müxtəlif ölçülü və rəngli parçalar, lentlər, muncuqlar və pilələr, şəffaf plastik lövhələr, qayçı, emalatxana ülgücü, silikon tapança və elektrikli tikiş maşınından istifadə edir. Bir sıra əl işləri təhsil aldığı kollecdə sərgilənir. Onun əl işləri iki dəfə ümumrayon sərgisində, telekanallarda müxtəlif verilişlərdə nümayiş olunmuşdur. 2016-cı ilin may ayından Goranboy rayon Mədəniyyət Mərkəzində bədii rəhbər vəzifəsində işləyir. Mədəniyyət sahəsində keçirilən bütün tədbirlərdə fəal iştirak edir.

Əlaqəli nümunələr

Günün nümunəsi

Xanəgah

Xanəgah dini-mənəvi həyat tərzi olmaqla, İslamın mənəvi aspektlərinə, mərasim və ayinlərinə ciddi riayət edildiyi məkan idi. Tarixdən xanəgahların sufi təriqətinə mənsub olduğu məlumdur. Xanəgah – sufilərin yığışdığı, daimi yaşadığı, müridlərə təhsil verilən, müsafirlərin qəbul edildiyi xüsusi evə, tikiliyə deyilir. Xanəgah sözünün etimologiyası ilə bağlı müxtəlif fikirlər mövcuddur. B...

Ətraflı