AZƏRBAYCAN QEYRİ-MADDİ MƏDƏNİ İRS NÜMUNƏLƏRİNİN DÖVLƏT REYESTRİ

Sənətkar Həsənova Məhbubə Zaman qızı

Həsənova Məhbubə Zaman qızı Gəncə şəhər Mədəniyyət Mərkəzində dekorativ-tətbiqi sənət dərnəyinin rəhbəridir. Dərnəkdə ərazidə yerləşən 41, 17, 15 saylı orta məktəbin şagirdlərinə dekorativ-tətbiqi sənətin sirləri aşılanır. Onlara kətan, yağlı boyalar, şüşə, biser, çay daşları, gil, molbert, kibrit çöpləri, yapışqan, iynə, sap, rəngli yumaqlardan müxtəlif dekorasiyaların hazırlanması öyrədilir. Məhbubə Həsənova 2011-ci ildən Azərbaycan Rəssamlar İttifaqının üzvüdür. O, şəhərdə keçirilən Novruz el şənliklərində, şəhər günlərində, Şərab festivallarında, Gül bayramlarında, həmçinin Bakı şəhərində keçirilən Novruz şənliyində və beynəlxalq turizm sərgilərində mütəmadi iştirak etmişdir. Daily News-un 4 aprel 2015-ci il nəşrində onun fəaliyyəti ilə bağlı məqalə və foto şəkillər dərc olunmuşdur. Onun fəaliyyətinə dair "Qafqaz Turizm" jurnalında “Daş, kibrit, çərdək və kömrün rəngləri”, "Haray" jurnalında “Mən öz dünyamı tapdım”, "Gəncə" jurnalında “Məbubə Həsənova” başlıqlı məqalələr dərc olunmuş və əsərlərindən ibarət fotoşəkillər verilmişdir.

Əlaqəli nümunələr

Günün nümunəsi

Aşıq havaları

Azərbaycan folklorunun çox qədim və zəngin qolu olan aşıq musiqisinin əsasını aşıq havaları təşkil edir. Aşıq havaları məzmun və obraz müxtəlifliyi, melodik gözəlliyi, dərin emosional ovqatı, metr-ritmik zənginliyi, forma və quruluşunun mükəmməlliyi ilə fərqlənir. Bu musiqi havaları xalqımızın tarixi və məişətini, hiss və həyəcanını, həyata baxışlarını özündə əks etdirir. Aşıq havaları...

Ətraflı