AZƏRBAYCAN QEYRİ-MADDİ MƏDƏNİ İRS NÜMUNƏLƏRİNİN DÖVLƏT REYESTRİ

Ağadadaş Qurbanov adına Xalq Teatrı

Binəqədi Mərkəzi Mədəniyyət evinin nəzdində fəaliyyət göstərən Ağadadaş Qurbanov adına Xalq Teatrı 1970-ci ildə yaranmışdır. Xalq teatrı Mirzə Fətəli Axundovun 200 illiyinə həsr olunmuş “Baxış“ müsabiqəsində, II Respublika Xalq Teatrları Festivalında fəxri fərmanla təltif olunmuşdur. Fəaliyyət göstərdiyi müddətdə xalq teatrı müxtəlif tipli əsərlər “Dost dara düşəndə” (Ə.Qurbanov) nağıl-pyesini, “Dursunəli və Ballıbadı” (S.M.Qənizadə), “Mürafiə vəkilləri” (M.F.Axundov) komediyalarını, “Zəhrimar” (A.Kəngərli) bir pərdəli pyesini və s. səhnələşdirmişdir. “Qanun naminə”, “Savalan”, “Ədalət və həqiqət”, “Carçı”, “Sərbəst” və digər qəzetlərdə xalq teatrının fəaliyyətinə həsr olunmuş məqalələr dərc olunmuşdur.

Əlaqəli nümunələr

Günün nümunəsi

Dabbaq

Azərbaycanda dəriçilik bəsit xalq üsullarından başlayaraq peşəkar dabbaqlığa qədər müxtəlif inkişaf mərhələləri keçmişdir. Bəsit xalq üsulu ilə aşılama texnikası maldarlar arasında daha geniş yayılmışdı. Eymə, tejən, tuluq, dağar, cılğı, motal və s. qabları, habelə çarıq, papaq, kürk kimi geyim vasitələrini hazırlamaq üçün əvvəlcə dəri bəsit üsulla qismən aşılanırdı. Sadə texnologiyaya...

Ətraflı