Çinli aşpazların Bakıda ustad sinifləri keçirildi
Azərbaycan Milli Kulinariya Assosiasiyası və Konfutsi İnstitunun təşkilatçılığı ilə 12 saylı peşə litseyində çinli aşpazların ustad sinifləri təşkil olundu.
Tədbirin keçirilməsində məqsəd Çin mətbəxinin öyrənilməsi və azərbaycanlı mütəxəssislərə onun nümayişi olmuşdur. Tədbirdə Konfutsi İnstitutunun direktorları xanım Li Jihua, Rafiq Abbasov, "Great Wall Chinese Restaurant" və aşağıda adları çəkilən xarici mütəxəssislər iştirak etdi: Li Chang Rong, Zhang Min, Fan Jia Hao, Chen Qian Qiu. Tədbirdə peşəkar mütəxəssislərlə yanaşı Azərbaycan Dövlət İqtisad Universiteti, Bakı Turizm məktəbi, Bakı qida sənaye kolleci, 5 saylı peşə litseyi, 12 saylı peşə litseyinin tələbə və müəllim heyəti də iştirak etdilər. Sonda qonaqlar diplom və hədiyyələrlə mükafatlandırıldı
Günün nümunəsi
Miniatür
İslam Şərqinin incəsənəti tarixində Azərbaycan miniatür sənəti üslubu, bədii sənətkarlıq xüsusiyyətləri etibarilə xüsusi əhəmiyyət kəsb edir. Miniatür sənəti əlyazma kitablarının bədii tərtibatında mühüm rol oynayır. Bəzən bu sənət nümunəsi bədii mətni əks etdirməkdən asılı olmayaraq müstəqil səciyyə daşıyırdı. Azərbaycan kitab miniatürlərinin qorunub-saxlanmış ilk nümunələri XII-XII...