Azərpaşa Nemətov: Şəki beynəlxalq teatr festivalının sərhədləri genişlənir
Şəkidə artıq üçüncü dəfədir keçirilən beynəlxalq teatr festivalının sərhədləri getdikcə genişlənir. 2014-cü ildə reallaşan birinci festivalda iki xarici ölkə teatrı iştirak edirdisə, builki festivala 7 ölkədən kollektivlər gəlib. Festivalda iştirak etmək arzusunda olan ölkələr isə daha çox idi. Sevindirici haldır ki, festivalın iştirakçıları arasında hətta Latın Amerikasından olan kollektiv də var. Bu, onu göstərir ki, Şəki festivalına maraq ildən-ilə artır.
Bu fikirləri Azərbaycan Teatr Xadimləri İttifaqının sədri, Dövlət Akademik Milli Dram Teatrının bədii rəhbəri və direktoru Azərpaşa Hemətov Şəkidə jurnalistlərə müsahibəsində deyib.
Şəki festivalının “Azərbaycan teatrı 2009-2019-cu illərdə” Dövlət Proqramının icrasının təmin edilməsi istiqamətində atılan önəmli addımlardan biri olduğunu vurğulayan Teatr Xadimləri İttifaqının sədri bildirib ki, festival günlərində teatrsevərləri Şəki ilə yanaşı, Bakı, Sumqayıt, Mingəçevir və digər şəhərlərdə də maraqlı tamaşalar gözləyir.
Günün nümunəsi
Miniatür
İslam Şərqinin incəsənəti tarixində Azərbaycan miniatür sənəti üslubu, bədii sənətkarlıq xüsusiyyətləri etibarilə xüsusi əhəmiyyət kəsb edir. Miniatür sənəti əlyazma kitablarının bədii tərtibatında mühüm rol oynayır. Bəzən bu sənət nümunəsi bədii mətni əks etdirməkdən asılı olmayaraq müstəqil səciyyə daşıyırdı. Azərbaycan kitab miniatürlərinin qorunub-saxlanmış ilk nümunələri XII-XII...