May 08, 2018

"Atəşgah məbədi" Dövlət Tarix Memarlıq Qoruğu və "Ateshgah Art Center"-in birlikdə təşkilatçılığı ilə 2018-ci il 5 may tarixində Ümummilli lider Heydər Əliyevin anadan olmasının 95-ci il dönümü münasibəti ilə “Rənglərin festivalı” adlı sənətkarlıq yarmarkası təşkil olunmuşdur.

Tədbirə Azərbaycanın bölgələrindən 80-dən artıq sənətkar qoşulmuşdur. Bakı, Gəncə, Sumqayıt, Quba, Şəki və s. rayonlardan gələn sənətkartların əl işləri Sənətkarlıq Yarmarkasında nümayiş olunmuşdur. Azərbaycan xalq sənət növlərinin bir çox  sahələri: misgərlik, zərgərlik, taxta üzərində oyma işləri, xalça, kilim, tikmə, toxuma, keramika işləri və s. işlər xarici qonaqlara yüksək səviyyədə nümayiş olunmuşdur. Tədbir zamanı "AyArt studio"nun 100-dən çox rəsm əsəri sərgilənmişdir.

Heydər Əliyev adına müasir təhsil kompleksi 23 nəfərlik heyəti ilə canlı tikmə üsulu, Bakı Oxford məktəbi keramikadan əl işlərinin hazırlanması texnologiyası nümayiş olunmuşdur. 3 nömrəli uşaq incəsənət məktəbinin kollektivi konsert proqramı, 87 nömrəli  orta məktəbin müəllim və şagird kollektivi isə musiqi və əyləncə nömrələri ilə çıxş etmişdirlər.

Sənətkarlıq yarmarkasında Mədəniyyət Nazirliyi, Gənclər və İdman Nazirliyi, Suraxanı Rayon İcra Hakimiyyətinin nümayəndələri iştirak etmişdirlər. Ümumilikdə tədbirdə 1030 nəfər iştirak etmişdir. Onlardan 200 nəfəri xarici, 418 nəfəri məktəbli, 412 nəfəri isə yerli vətəndaş olmuşdur.