“Şahdağ” vokal instrumental ansamblı 1984-cü ildə Qusar rayonunun Gündüzqala kəndində yaradılmışdır. Kollektivin rəhbəri Vidadi Zülfüqarovdur. Kollektiv 6 nəfərdən ibarətdir. “Şahdağ” kollektivinin repertuarı ləzgi xalq mahnıları və rəqsləri, bəstəkar musiqilərindən ibarətdir. Kollektiv 1988-ci ildən “Xalq kollektivi” adını almışdır. Kollektiv fəaliyyəti dövründə Bakı, Sumqayıt, Mahaçqala, Moskva, Tümen şəhərlərində çıxış etmişdir. 1989-cu ildə Qusar rayonunda Quba, Xaçmaz, Şabran, eləcə də Dağıstanın Axtı, Qasumkənd, Dərbənd rayonlarının iştirakı ilə keçirilən “Dostluğumuz birlikdədir” adlı festivalda “Şahdağ” kollektivi I dərəcəli diploma layiq görülmüşdür. Ansambl, həmçinin 1994-cü ildə cəbhə bölgələrində əsgərlər qarşısında çıxış etmişdir.

Əlaqəli nümunələr