AZƏRBAYCAN QEYRİ-MADDİ MƏDƏNİ İRS NÜMUNƏLƏRİNİN DÖVLƏT REYESTRİ

Ölkəmiz UNESKO-da təşkil edilən beynəlxalq konfransda təmsil olunub

Dekabr 09, 2019 16:28

Fransanın Paris şəhərində – UNESKO-nun mənzil-qərargahında “Dil texnologiyaları hamı üçün: dünyada linqvistik çeşidlilik və multilinqvizmin təşviqi” mövzusunda beynəlxalq konfrans keçirilib.

BMT-nin 2019-cu il üçün elan etdiyi “Yerli dillərin beynəlxalq ili” çərçivəsində təşkil olunan konfrans UNESKO Katibliyi, qurumun “İnformasiya hamı üçün” Hökumətlərarası Proqramı (İFAP), Xantı-Mansiysk Avtonom Dairəsi – Uqra Hökuməti (Rusiya Federasiyası) və Avropa Dil Resursları Assosiasiyasının (ELRA) əsas təşkilatçılığı ilə gerçəkləşib.

Beynəlxalq tədbir kiberməkanda linqvistik çeşidliliyin və dilin qorunmasının fəlsəfi, siyasi, sosial-mədəni, iqtisadi, təhsil və digər aspektlərinin müzakirəsinə həsr olunub. Konfransda UNESKO-ya üzv ölkələrin mədəniyyət siyasəti, informasiya texnologiyaları, sosiologiya, politologiya, fəlsəfə, futurologiya, iqtisadiyyat, diplomatiya, idarəetmə, jurnalistika sahələri üzrə aparıcı ekspertləri iştirak edib.

Tədbirdə iştirak edən Azərbaycan Respublikası Mədəniyyət Nazirliyinin Muzey işi və mədəni sərvətlərə nəzarət şöbəsinin Mədəniyyət sərvətlərinə nəzarət və reyestrlər sektorunun müdiri Yaşar Hüseynli "Multilinqvizmin fəlsəfi anlamı" mövzusunda məruzəsi ilə çıxış edib.

Beynəlxalq tədbirin nəticələrindən Azərbaycanda mədəni sərvətlərin kiberməkanda təmsil olunmasının sürətləndirilməsində, tarixi-mədəni çeşidlilik ənənələrinin təqdim edilməsində və əldə olunmuş nailiyyətlərin təbliğində istifadə edilməsi planlaşdırılır.

Günün nümunəsi

Miniatür

İslam Şərqinin incəsənəti tarixində Azərbaycan miniatür sənəti üslubu, bədii sənətkarlıq xüsusiyyətləri etibarilə xüsusi əhəmiyyət kəsb edir. Miniatür sənəti əlyazma kitablarının bədii tərtibatında mühüm rol oynayır. Bəzən bu sənət nümunəsi bədii mətni əks etdirməkdən asılı olmayaraq müstəqil səciyyə daşıyırdı. Azərbaycan kitab miniatürlərinin qorunub-saxlanmış ilk nümunələri XII-XII...

Ətraflı