AZƏRBAYCAN QEYRİ-MADDİ MƏDƏNİ İRS NÜMUNƏLƏRİNİN DÖVLƏT REYESTRİ

UNESCO jurnalının “Dünya irsi Azərbaycanda” adlı xüsusi nömrəsi ölkəmizə həsr olunub

İyun 24, 2019 13:26

UNESCO-nun “Dünya irsi” jurnalının “Dünya irsi Azərbaycanda” adlı 92 nömrəli xüsusi buraxılışı işıq üzü görüb. Jurnalın bu nömrəsi Bakıda təşkil ediləcək UNESCO-nun Dünya İrs Komitəsinin 43-cü sessiyası ərəfəsində ölkəmizin qurumun irsi siyahısına daxil edilmiş 13 nominasiyadan, eləcə də ölkəmizin görməli yerlərindən bəhs olunur.
 
Ölkəmizə həsr edilmiş xüsusi buraxılışda UNESCO baş direktoru Odri Azuleyin, eləcə də Ümumdünya İrs Mərkəzinin direktoru Mextild Rosslerin müraciətləri yer alıb. Onlar Azərbaycanın coğrafiyasından, multikultural ölkə olmasından, UNESCO ilə sıx əlaqələrindən bəhs ediblər. Ölkəmizin Dünya İrs Komitəsinə üzvlüyü dövründə sıx əməkdaşlığı, zəngin fəaliyyəti haqqında məlumat veriblər. Jurnalın oxucuları ölkəmizin qurumun irs siyahısına daxil olan nominasiyalarına dair ətraflı məlumatlandırılıblar. Azərbaycanın mədəni müxtəliflik sahəsinə verdiyi töhfələrdən danışılıb. Müraciətin sonunda jurnalın bu nüsxəsinin insanları ölkəmizin tarixi və mədəni zənginliyi ilə tanış olmaq üçün ilhamlandıracağı qeyd olunub.
 
“Dünya irsi Azərbaycanda” jurnalında Mədəniyyət naziri Əbülfəs Qarayev və Bakı Şəhər İcra Hakimiyyətinin başçısı Eldar Əzizovun da oxuculara xüsusi müraciətləri dərc olunub. Müraciətlərdə ölkəmizin coğrafiyası, tarixi, mədəniyyət zənginliyindən söz açılıb.
 
Jurnalda ölkəmizin UNESCO irs siyahısına daxil edilmiş tarixi və mədəniyyət nominasiyaları haqqında ətraflı məqalələr dərc olunub. İrsin qorunub saxlanması istiqamətində görülmüş tədbirlərdən və bu sahədə ölkəmizin uğurlarından yazılıb.
 
Qeyd edək ki, jurnal Bakıda təşkil ediləcək UNESCO Dünya İrs Komitəsinin 43-cü sessiyasına müxtəlif ölkələrdən gəlmiş 3 min iştirakçıya paylanacaq.

Günün nümunəsi

Xanəgah

Xanəgah dini-mənəvi həyat tərzi olmaqla, İslamın mənəvi aspektlərinə, mərasim və ayinlərinə ciddi riayət edildiyi məkan idi. Tarixdən xanəgahların sufi təriqətinə mənsub olduğu məlumdur. Xanəgah – sufilərin yığışdığı, daimi yaşadığı, müridlərə təhsil verilən, müsafirlərin qəbul edildiyi xüsusi evə, tikiliyə deyilir. Xanəgah sözünün etimologiyası ilə bağlı müxtəlif fikirlər mövcuddur. B...

Ətraflı