AZƏRBAYCAN QEYRİ-MADDİ MƏDƏNİ İRS NÜMUNƏLƏRİNİN DÖVLƏT REYESTRİ

YUNESKO baş qərargahında Ümumdünya İrs Komitəsinin Bakıda keçiriləcək 43-cü sessiyası ilə bağlı məlumat sessiyası keçirilmişdir

May 30, 2019 14:00

Azərbaycan Respublikasının Mədəniyyət naziri Əbülfəs Qarayevin sədrliyi ilə YUNESKO baş qərargahında cari ilin 30 iyun-10 iyul tarixində Bakıda təşkil ediləcək Ümumdünya İrs Komitəsinin 43-cü sessiyası ilə bağlı məlumat sessiyası keçirildi. Nazir Əbülfəs Qarayev çıxış edərək Komitədə müzakirəsi gözlənilən məsələlər barədə məlumat verdi. Ə.Qarayev, həmçinin Azərbaycanın ev sahibi ölkə kimi bu tədbirə xüsusi önəm verdiyini, sessiyanın təşkili ilə bağlı ölkə prezidenti tərəfindən Təşkilat Komitəsinin yaradıldığını iştirakçıların diqqətinə çatdırdı.
 
Daha sonra tədbirin Əməliyyat qrupunun rəhbəri, Mədəniyyət Nazirliyinin Aparat rəhbərinin müavini – Beynəlxalq əməkdaşlıq və innovativ inkişaf şöbəsinin müdiri Vasif Eyvazzadə sessiyaya və onun çərçivəsində keçiriləcək tədbirlərə hazırlığın vəziyyəti barədə təqdimatla çıxış etdi və ölkəmizin mədəniyyəti və inkişafı ilə bağlı film nümayiş etdirildi. Qeyd edildi ki, Azərbaycan 23 iyun-1 iyul tarixində Gənc Peşəkarlar Forumu, 26 iyun-4 iyul tarixində Abidə Menecerləri Forumu və nəhayət 30 iyun-10 iyul tarixlərində Komitənin 43-cü sessiyasının keçirilməsinə tam hazırdır.
 
Ümumdünya İrs Mərkəzinin direktoru Mextild Rossler Azərbaycan tərəfinə təşəkkürünü bildirərək Komitənin 43-cü sessiyasının gündəliyi, müzakirə olunacaq nominasiya sənədləri, büdcə və prosedur qaydaları ilə bağlı yeniliklər və s.barədə çıxış etdi.
 
Sonda Komitə üzvlərinin sualları cavablandırıldı.

Günün nümunəsi

Boz ay

Qışın fevralın 21-dən martın 21-nə qədər davam edən sonuncu mərhələsinin xalq arasındakı adı. Bu dövrün belə adlanması onun isti, soyuq, buludlu, yağışlı, küləkli keçməsi ilə bağlıdır. Boz ayın şıltaq təbiəti “boz ay bozara-bozara keçər” deyimində də qorunub saxlanmışdır. Həmin qeyri-müəyyənliyinə görə xalq onu boz ay, alaçalpo, ağlar-gülər, boş qış adlandırmışdır. Havanın Boz ayda b...

Ətraflı