AZƏRBAYCAN QEYRİ-MADDİ MƏDƏNİ İRS NÜMUNƏLƏRİNİN DÖVLƏT REYESTRİ

Mərdəkan Mədəniyyət Sarayı

Mərdəkan Mədəniyyət Sarayı 1961-ci ildən fəaliyyətdədir. Uzun müddət fəaliyyət göstərdikdən sonra qəzalı vəziyyətə düşən mədəniyyət sarayı Heydər Əliyev Fondunun prezidenti, YUNESKO və İSESKO-nun xoşməramlı səfiri Mehriban xanım Əliyevanın təşəbbüsü ilə müasir standartlara uyğun yenidən qurulmuşdur. Ümumi sahəsi 4641 kv.m olan sarayda 382 nəfərlik böyük və 155 nəfərlik kiçik zallar, mühazirə və rəqs zalları fəaliyyət göstərir. Mərdəkan Mədəniyyət Sarayında “Azərbaycan qartalları“ rəqs kollektivi (rəhbəri Respublikanın əməkdar artisti Xanlar Bəşirov), “Lalələr” rəqs kollektivi (rəhbəri 12-ci Ümumdünya Festivalının laureatı Dilbər Abdullayeva), “Kam-kam” Uşaq Teatrı, Keramika dərnəyi, “Rəsm” dərnəyi, “Latın Amerika rəqsləri” kursu mövcuddur. Mədəniyyət sarayında müxtəlif dövrlərdə tanınmış mədəniyyət və incəsənət nümayəndələri - Respublikanın Xalq artisti, müğənni Məmmədbağır Bağırzadə, əməkdar artistlər Kəmalə Rəhimli, Tamilla Eldarova (rəqs), əməkdar incəsənət xadimləri Vaqif İbrahimoğlu, Rəhman Əlizadə (dramaturq) fəaliyyət göstərmişlər. Mədəniyyət sarayının kollektivi dövlət əhəmiyyətli, şəhər və rayon miqyaslı tədbirlərin təşkilində fəal iştirak edirlər. Müxtəlif ölkələrin (Rusiya, İran, Türkiyə, Gürcüstan, İsrail və s.) yaradıcı kollektivləri ilə dostluq körpüləri yaradılaraq birgə müsabiqələr təşkil olunur.

Əlaqəli nümunələr

Günün nümunəsi

Parça toxuculuğu

Azərbaycanda tarixən parça (kətan, qumaş, yun, ipək) istehsalının şalbaflıq, kətançılıq, bəzzazlıq və şərbaflıq kimi 4 sahəsi yaranmışdı. Bu sahələrin bir qisminin daxilində məmulat növləri üzrə dar ixtisaslaşma baş vermişdi. Məsələn, ipək parçanın istehsalı keci və xam ipək toxuculuğu kimi iki fərqli istiqamətdə inkişaf etmişdi. İpəkçilik təsərrüfatı erkən orta əsrlərdən təşəkkül tapd...

Ətraflı