Tehranda Azərbaycanın “Muğam” instrumental ansamblının konserti olub
İranda keçirilən 34-cü “Fəcr” Musiqi Festivalı çərçivəsində Tehranın “Niyəvəran” Mədəniyyət Mərkəzində Azərbaycanın “Muğam” instrumental ansamblının konserti olub.
AZƏRTAC xəbər verir ki, konsertdə muğam, xalq və bəstəkar mahnıları ifa edilib. Ansamblın bədii rəhbəri, tarzən Sahib Paşazadənin və muğam ifaçısı Abgül Mirzəliyevin ifasında səslənən Azərbaycan xalq mahnısı “Sarı gəlin” xüsusi maraqla və sürəkli alqışlarla qarşılanıb.
Tamaşaçılar arasında hökumət və dövlət nümayəndələri, mədəniyyət və incəsənət xadimləri, xarici dövlətlərin İrandakı səfirliklərinin əməkdaşları, Azərbaycanın bu ölkədəki səfirliyinin kollektivi də olub.
Günün nümunəsi
Miniatür
İslam Şərqinin incəsənəti tarixində Azərbaycan miniatür sənəti üslubu, bədii sənətkarlıq xüsusiyyətləri etibarilə xüsusi əhəmiyyət kəsb edir. Miniatür sənəti əlyazma kitablarının bədii tərtibatında mühüm rol oynayır. Bəzən bu sənət nümunəsi bədii mətni əks etdirməkdən asılı olmayaraq müstəqil səciyyə daşıyırdı. Azərbaycan kitab miniatürlərinin qorunub-saxlanmış ilk nümunələri XII-XII...